Kastriot Selmani edhe zyrtarisht e ka konfirmuar largimin e tij nga KF Llapi.
Selmani me anë të një njoftimi ka nënvizuar ndarjen me skuadrën llapjane, derisa ka falendëruar kryesinë, stafin teknik, bashkëlojtarët dhe tifozët “Legjendat”.
Njoftimi i plotë:
Të dashur familjarë, shokë dhe miq,
Dua t’iu njoftoj që pasi nuk gjetëm gjuhën e përbashkët për të vazhduar bashkëpunimin, mora një vendim jo të lehtë për mua që pas tre viteve të largohem nga skuadra e vendlindjes, K.F. Llapi.
Dua të falenderoj kryesinë e klubit për korrektësinë në veçanti Presidentin Beqir Batatina, shtabin teknik me në krye trajnerin Tahir Batatina për mbështetjen dhe besimin e ofruar gjatë këtyre viteve, stafin e klubit dhe bashkëlojtarët për gjithë momentet e bukura që kaluam së bashku.
Një falenderim të veçantë për tifozët “Legjendat” dhe çdo qytetar llapjanë për mbështetjen ndaj meje edhe kur nuk isha në ditët më të mira.
Po largohem nga Llapi ballë hapur sepse përgjatë këtyre tre viteve nuk kurseva asgjë për klubin dhe falë mbështetjes nga klubi dhe bashkëlojtarët arritëm t’ia sjellim Podujevës tre trofe, 2 Kupa të Kosovës dhe 1 Superkupë.
Klubit i dëshiroj shumë suksese në garat evropiane dhe në edicionin e ri. Për mua kjo nuk është një lamtumirë por një mirëupafshim!
22-vjeçari ditë me parë ka arritur një marrëveshje tre vjeçare me Dritën. Selmani te Llapi këtë sezon është paraqitur 33 herë në kampionat, ku ka shënuar katër gola dhe ka asistuar nëntë herë. Ndërsa në Kupë ka realizuar dy gola në gjashtë paraqitje. /Tëvë1/
