Vjeshta 2025 sjell një revolucion të vërtetë në aksesorin më të dashur për femrat: çantën.
Nga modelet klasike e deri te siluetat më eksperimentale, ky sezon është i gjitha për çanta që bien në sy dhe plotësojnë me stil çdo pamje.
Në krye të listës qëndron çanta në ngjyrë kafe, alternativa e përkryer për të zëvendësuar të zezën klasike.
Lëkura kadife ose efekti grosgrain i jep këtij modeli një ndjesi luksoze dhe të sofistikuar, ideale për adhuruesit e stilit minimalist.
Një tjetër trend që po bën bujë është çanta-byzylyk, një hibrid mes çantës dhe bizhuterive, që rikthehet fuqishëm nga sfilatat e Chloé dhe Toteme. Këto çanta mbahen lehtësisht në kyçin e dorës dhe shtojnë një shkëlqim të rafinuar në çdo kombinim.
Ndërkohë, çanta “hobo” kthehet në versionin e saj më praktik dhe elegant. E vogël, gjysmërrethore dhe perfekte për përdorim të përditshëm, ajo është bashkimi ideal mes stilit dhe funksionalitetit.
Sa për ata që guxojnë me printime, këtë sezon mbizotëron modeli me lëkurë gjarpri, i cili po zë vendin e leopardi klasik në pasarelat e mëdha.
Dhe për mbrëmjet? Kutitë e vogla të personalizuara, frymëzuar nga çantat e tualetit, janë kthyer në aksesorin më të kërkuar të momentit nga shtëpitë si Hermès, Louis Vuitton dhe Victoria Beckham.
