Presidenti amerikan, Donald Trump ka thënë këtë mëngjes se Hamasi do të ketë tre deri në katër ditë për t’iu përgjigjur planit të paqes në Gaza që ai përshkroi dje.
Hamasi ose do ta bëjë ose jo”, u tha Trump gazetarëve në Shtëpinë e Bardhë përpara se të nisej për në Quantico për t’iu drejtuar një takimi me ushtarakë të lartë. “Dhe nëse nuk e bën, do të jetë një fund shumë i trishtueshëm.”
Presidenti shtoi se nuk kishte “shumë” hapësirë që Hamasi të negociojë sipas kushteve të propozimit të tij të fundit për paqe që e zbuloi të hënën, raporton AP.
Zyrtarët e Katarit dhe Egjiptit ua kanë paraqitur propozimin me 20 pika negociatorëve të Hamasit, të cilët tani po e shqyrtojnë atë.
