Tre kamionë të pajisur me ekrane reklamues po qarkullojnë ditëve të fundit nëpër rrugët afër selisë qendrore të Kombeve të Bashkuara në New York, aty ku po mbahet Asambleja e Përgjithshme e OKB-së.
Siç raportojnë mediat serbe, aksioni është organizuar nga diaspora serbe në ShBA, me pretendimin se duan të “sensibilizojnë” opinionin publik për gjendjen e serbëve në Kosovë.
Nëpër billboardet e kamionëve janë vendosur imazhe dhe slogane që akuzojnë Ushtrinë Çlirimtare të Kosovës dhe kryeministrin në detyrë, Albin Kurti.
Organizatorët pretendojnë se me këtë aksion duan ta “rrisin ndërgjegjësimin e amerikanëve” për, siç e quajnë ata, “dhunën dhe torturën ndaj serbëve në Kosovë”.
