Presidenti amerikan, Donald Trump tha të martën se besonte që Ukraina mund të rifitonte të gjithë territorin e humbur ndaj Rusisë, një ndryshim dramatik nga thirrjet e përsëritura të udhëheqësit amerikan drejtuar Kievit për të bërë lëshime për t’i dhënë fund luftës.
Trump postoi në mediat sociale menjëherë pas takimit me presidentin ukrainas, Volodymyr Zelenskyy në margjinat e takimit të Asamblesë së Përgjithshme të Kombeve të Bashkuara të liderëve botërorë.
“Mendoj se Ukraina, me mbështetjen e Bashkimit Evropian, është në një pozicion për të luftuar dhe për ta FITUAR të gjithë Ukrainën në formën e saj origjinale”, shkroi Trump.
“Me kohë, durim dhe mbështetjen financiare të Evropës dhe, në veçanti, të NATO-s, kufijtë origjinalë nga ku filloi kjo luftë, janë një mundësi e madhe.”
Kjo ishte një ndryshim nga sugjerimet e mëparshme të Trump se Ukraina nuk do të ishte kurrë në gjendje të rimerrte të gjithë territorin që Rusia ka pushtuar që nga pushtimi i Gadishullit të Krimesë në vitin 2014.
