Mbrojtësi Marash Kumbulla do të jetë mungesa e Kombëtares së Shqipërisë për ndeshjen ndaj Serbisë në kuadër të kualifikimeve për Botërorin 2026.
Kumbulla që luan te Mallorca në Spanjë, ka pësuar lëndim në ndeshjen e fundit dhe pritet të mungojë të paktën për një muaj.
Ai luajti vetëm 36 minuta në barazimin 1:1 të Mallorcas me Atletico Madridin dhe sipas të gjitha gjasave nuk do të përfshihet në listën e selektorit Sylvinho.
Shqipëria më 11 tetor luan ndaj Serbisë në Leskovc, në ndeshjen më të rëndësishme të Grupit K kualifikues, në të cilin synon pozitën e dytë.
Aktualisht, Shqipëria është e dyta në grup me 8 pikë të mbledhura, një më shumë se Serbia që është e treta por ka një ndeshje më pak të zhvilluar.
Ndeshja e parë mes këtyre Kombëtareve e luajtur në muajin qershor në Tiranë, ka përfunduar pa gola.
