Presidenti francez, Emmanuel Macron ka deklaruar se dëshiron realizimin e premtimit të kartës së OKB-së për “dy shtete që jetojnë krah për krah në paqe dhe siguri”.
Ai theksoi se, ndërkohë që Izraeli po zgjeron operacionin ushtarak në Gaza, qindra mijëra njerëz janë zhvendosur, janë plagosur, uritur dhe traumatizuar, me jetët e tyre të shkatërruara, megjithëse Hamasi është dobësuar dukshëm.
“Asgjë nuk e justifikon luftën e vazhdueshme në Gaza“, tha Macron. “Asgjë”.
“Përkundrazi, gjithçka na detyron ta ndalojmë përfundimisht, meqenëse nuk e bëmë më parë”, shtoi ai. “Duhet ta bëjmë për të shpëtuar jetë”.
Macron nënvizoi se sapo të arrihet një armëpushim, do të nisë një përpjekje e madhe kolektive për të dërguar ndihmë humanitare në Gaza. Sipas tij, është një “detyrim absolut” i Izraelit të mundësojë qasje humanitare për popullsinë e vet.
Ai gjithashtu i bëri thirrje Izraelit të mos ndërmarrë asgjë që mund të pengojë negociatat me Hamasin.
