Prokuroria Themelore në Prishtinë ka ngritur aktakuzë kundër katër personave për veprën penale “Vrasje e rëndë”.
Sipas Prokurorisë, vrasja ka ndodhur më 26 mars të vitit të kaluar në rrugën “Butrinti” në Prishtinë, ku dy persona kanë mbetur të vrarë.
I pandehuri L.H. ndodhet në masën e paraburgimit, ndërsa ndaj të pandehurve N.B., A.B. dhe K.G., Prokuroria ka ngritur aktakuzën në mungesën e tyre për shkak se ndodhen ende në arrati.
“Prokuroria ka ndërmarrë të gjitha veprimet e nevojshme për sigurimin e prezencës së të pandehurve në procedurë, mirëpo të njëjtit ndodhen ende në arrati me qëllim shmangien e organeve të drejtësisë”, thuhet në njoftimin e Prokurorisë./teve1.info/
