Jose Mourinho ka ndërprerë pushimet që kishte nisur pas shkarkimit nga drejtimi i Fenerbahçes, për të marrë drejtimin e skuadrës që i solli shkarkimin, Benfikës. Për trajnerin portugez është një kthim në kohë, pasi ka drejtuar Benfikën në vitin 2000.
Këtë radhë ai ëshë kontaktuar nga presidenti Rui Costa dhe trajneri ka vendosur të kthehet në vendlindje për të ndërmarrë këtë hap në karrierë.
Në aeroport ai është pritur nga një turme e madhe gazetarësh dhe ka folur pikërisht për negociatat që do të nisë me klubin e njohur portugez.
“Nuk kam asgjë për t’ju thënë. Para se të hipja në aeroplan, më pyetën nëse mund të isha i interesuar. Thashë po, mund të jem i interesuar. Benfika më pyeti zyrtarisht nëse do të isha i interesuar dhe thashë se kur të kthehesha në Portugali, do të isha i lumtur të flisja me njerëz. Nëse kthehem në Benfika, nuk do të jetë një festë karriere, as 25 vjet më vonë, as një kthim në shtëpi.
U largova nga klubi im i mëparshëm katër javë më parë. Nëse më pyetni nëse prisja të qëndroja deri në fund të sezonit pa drejtuar, kjo nuk është në natyrën time. Doja të vazhdoja. Nuk doja t’i thosha “po” asnjë klubi që nuk ishte i duhuri, vetëm sepse jam një njeri punëtor. Kur mu paraqit mundësia për të trajnuar Benfikën, nuk u mendova dy herë për këtë, duke thënë: ‘Jam i interesuar, do të doja’.
Bruno Lage e di që kthimi im në Portugali nuk ishte planifikuar, por ajo që kisha në mendje si pasojë e natyrshme për karrierën time do të ishte të kthehesha në Portugali një ditë për të drejtuar ekipin kombëtar. Nëse kjo ndodh me Benfikën… Kush është trajneri që i thotë jo Benfikës? Unë jo”, tha Murinjo para gazetarëve.
