Të martën fillon xhiroja e shtatë e Ligës së Parë të Kosovës në futboll.
Kjo xhiro do të zhvillohet gjatë mesjavës, me gjithsej 9 duele.
Të martën është e paraparë të zhvillohet vetëm një ndeshje, ndërsa 8 duelet tjera do të luhen të mërkurën.
Java e shtatë hapet në Ferizaj, aty ku Tefik Çanga do të jetë nikoqire e Vushtrisë.
Të dy skuadrat renditen në pozitat e larta të tabelës dhe shihen si pretendentë për t’u inkuadruar në Superligë.
Tefik Çanga ndodhet në vendin e dytë të tabelës, me 13 pikë të grumbulluara, ku pas 6 ndeshjeve ka bilanc prej 4 fitoreve, një humbjeje dhe një barazimi.
Në anën tjetër, Vushtria e drejtuar nga trajneri Armend Dallku ka arkëtuar 12 pikë, me tre fitore dhe po aq barazime.
Duelet tjera të xhiros së shtatë janë:Kika – Trepça, Vëllaznimi – Trepça ’89, Rilindja – 2 Korriku, Liria – Feronikeli ’74, Dinamo – Istogu, Vjosa – KEK-u, Suhareka – Prizreni dhe Besa – Ramiz Sadiku
Të gjitha duelet e xhiros së shtatë zhvillohen në të njëjtën orë, nga ora 15:00.
