James Rubin, ish-diplomat amerikan dhe ish-asistent i sekretarit për Punë Publike në administratën e ish-presidentit Bill Clinton, ka paralajmëruar se javën e ardhshme do të dëshmojë në Gjykatën Speciale në Hagë.
Ai do të jetë dëshmitar në mbrojtje të ish-presidentit të Kosovës, Hashim Thaçi. Lajmin Rubin e bëri të ditur në një podcast me gazetaren e njohur, Christiane Amanpour.
“Do të jem në Evropë, sepse javën e ardhshme do të jap dëshmi në Tribunalin Special për krime lufte në Kosovë dhe, si dikush që ishte i dobishëm për Madeleine Albright-in dhe në themelimin e Tribunalit fillestar për Krime Lufte, do të kthehem në të kaluarën dhe kam më shumë për të thënë për këtë javën e ardhshme,” ka deklaruar Rubin.
Në Hagë po zhvillohet procesi gjyqësor ndaj ish-krerëve të UÇK-së: Hashim Thaçi, Kadri Veseli, Jakup Krasniqi dhe Rexhep Selimi.
Video nga minuta 37:40
