Gjykata Kushtetuese e Republikës së Kosovës kërkoi partitë politike t’i dërgojnë komentet e tyre, në lidhje me konstituimin e Kuvendit.
Në institucionin më të lartë të drejtësisë në vend, komentet e saj i adresoi Lëvizja Vetëvendosje.
Kjo parti i kërkoi Kushtetueses që të shpallë të papranueshme kërkesën e Listës Serbe për nënkryetarin serb.
Mirëpo, kështu nuk vepruan edhe tri partitë e tjera opozitare.
Burime brenda Partisë Demokratike e Kosovës i thanë televizionit se nuk kanë dërguar komente në këtë institucion.
Komente nuk dërguan as nga Lidhja Demokratike e Kosovës.
Kushtetueses nuk iu drejtuan as Aleanca për Ardhmërinë e Kosovës.
Deputeti Lahi Brahimaj tha se është e qartë me rregullore të Kuvendit të Kosovës, nënkryetarët duhet të votohen në pako e jo veç e veç.
Për këtë çështje, nuk pati komente as nga Nisma Socialdemokrate.
Komente në Gjykatën Kushtetuese dërgoi edhe presidentja e vendit, Vjosa Osmani, si dhe kryetari i Kuvendit të Kosovës, Dimal Basha.
