Një numër i habitshëm njerëzish në mbarë botën kanë diabet dhe as nuk e dinë.
Një studim i ri tregon se në vitin 2023, 44% e njerëzve të moshës 15 vjeç e lart me diabet nuk ishin në dijeni të gjendjes së tyre.
E që janë rreth 248 milionë njerëz me diabet të padiagnostikuar.
Problemi ishte më i madh tek të rriturit e rinj – pavarësisht se përballeshin me rreziqe më të larta për ndërlikime afatgjata, duke përfshirë sëmundjet e veshkave, sëmundjet e zemrës, dëmtimin e nervave dhe humbjen e shikimit.
Midis atyre që u diagnostikuan, 91% po merrnin ilaçe, por vetëm 42% po e menaxhonin në mënyrë efektive sheqerin në gjak, shkruan Healthday, transmeton Gazeta Shneta.
“Deri në vitin 2050, 1.3 miliardë njerëz pritet të jetojnë me diabet, dhe nëse gati gjysma nuk e dinë se kanë një gjendje shëndetësore serioze dhe potencialisht vdekjeprurëse, kjo mund të shndërrohet lehtësisht në një epidemi të heshtur”, tha autori kryesor.
Ekspertët thonë se nevojiten investime urgjente në depistim, medikamente dhe mjete për monitorimin e glukozës, veçanërisht në rajonet e pashërbyera./Gazeta Shneta/
