Presidentja e Kosovës, Vjosa Osmani ka thënë po synohet bllokimi i shtetit për një nënkryetar të Kuvendnit.
Osmani ka thënë se komentet që i kanë dërguar në Gjykatën Kushtetuese bazohet në nenin 57 të Kushtetutës së Republikës së Kosovës.
“I gjithë thelbi i komenteve që kemi dorëzuar sot bazohet edhe në nenin 57 të Kushtetutës së Kosovës i cili para sheh se janë dy parakushte në mënyrë që të realizohen të drejtat e komuniteteve. Parakushti i parë, është detyrimi për të vepruar sipas ligjeve të Kosovës gjë që Lista Serbe nuk e bënë. Kurse detyrimi i dytë përgjatë ushtrimit efektiv të drejtave të komuniteteve mos të shkelen të drejtat e të tjerëve. Rrjedhimisht po synohet që për një nënkryetar të bllokohet shteti në tërësi sepse një shtet pa institucione është shtet i dështuar”, ka thënë Osmani në një konferencë për media, raporton teve1.info.
Osmani ka thënë se është konkluzion i saj që askush nuk mund ta bllokojë konstituimin e Kuvendit që i takon e drejta e nënkryetarit të Kuvendit.
Ajo tha se zgjedhja e nënkryetarit duhet bëhet në seancat e radhës.
“Si konkluzion, është qëndrim i imi si presidente e Kosovës se parimet e përcaktuara nga vet Gjykata Kushtetuese, teksti i Kushtetues, fryma, teksti i Konventës Evropiane për të Drejtat e Njeriut, vendimet e Gjykatës Evropiane për të Drejtat e Njeriut, opinionet e Komisionit të Venecias dhe mbi të gjitha interesi më i mirë i Republikës së Kosovës, kërkojnë që asnjë komunitet apo parti që kanë të drejtën e një nënkryetari mos ta bllokojë konstituimin e Kuvendit, por thjeshtë ajo e drejtë t’u garantohet për seancat e radhës”, tha Osmani.
