Kombëtarja e Suedisë, e ka zhvilluar të dielën paradite stërvitjen e fundit para ndeshjes me Kosovën.
Ndeshja Kosovë – Suedi zhvillohet të hënën nga ora 20:45 në “Fadil Vokrri” dhe i takon xhiros së dytë të kualifikimeve për Kupën e Botës në futboll.
Në xhiron e parë Kosova u mposht thellë, 4:0, nga Zvicra në Basel, ndërsa Suedia luajti 2:2 me Slloveninë në Lubjanë.
Suedezët kanë qëndruar në Slloveni deri të dielën, ndërsa në këtë vend e kanë zhvilluar stërvitjen e fundit, duke mos preferuar të stërviten në Prishtinë.
Në stërvitjen e Suedisë është parë edhe ylli i madh, Alexander Isak, që ishte transferimi më i shtrenjtë i kësaj vere.
Isak dhe Viktor Gyokeres pritet ti prijnë sulmit të Suedisë në duelin kundër “Dardanëve”.
