Vlerësimet për numrin e të mbledhurve mbrëmë në protestën në Novi Sad “Serbi, a po dëgjohemi” ndryshojnë dhjetëfish, por për herë të parë është paraqitur edhe një vlerësim nga inteligjenca artificiale.
Në pyetjen drejtuar inteligjencës artificiale se sa njerëz ka tani në Novi Sad, bazuar në pamjet nga droni, përgjigjja ishte 70.000 deri 100.000.
Policia sulmoi qytetarët pranë Fakultetit Filizofik Janë publikuar pamjet e sulmit të policisë ndaj qytetarëve në Novi Sad
Në rrjetin social X, inteligjenca artificiale ka dhënë një numër të përafërt të qytetarëve të mbledhur në Novi Sad në protestën “Serbi, a po dëgjohemi”.
Turma është e dendur, mbulon një zonë të gjerë me mijëra drita. Vlerësoj 70.000 deri 100.000 njerëz, bazuar në dendësinë dhe sipërfaqen. Ky është një vlerësim i përafërt, sepse numri i saktë varet nga shumë faktorë, ishte përgjigjja e inteligjencës artificiale për pyetjen se sa njerëz ka aktualisht në rrugë.
Nga ana tjetër, Aleksandar Vuçiç, presidenti i Serbisë, tha në një paraqitje nga Pallati i Serbisë (bashkë me ministrin dhe drejtorin e policisë Ivica Daçiçin dhe Dragan Vasiljeviqin) rreth orës një të mëngjesit, se në protestat në Serbi të premten në mbrëmje janë mbledhur më pak se 10.000 demonstrues.
Dhe gjithandej ishte qetë, pa incidente, përveç në Novi Sad. Disa, së bashku me disa deputetë të Parlamentit Evropian, tentuan të rrezikojnë stabilitetin e shtetit. Me maska në fytyrë donin me çdo kusht të pushtonin godinën e Fakultetit Filozofik në Novi Sad, por nuk ia dolën, tha ai.
Vuçiç tha se policia e kreu punën në mënyrë strikt profesionale dhe i uroi për këtë.
Deri tani janë plagosur 11 policë, të cilët u sulmuan pa asnjë arsye përpara Fakultetit Filozofik. Do ta ruajmë stabilitetin dhe sigurinë, këtë duhet ta dinë qytetarët, tha presidenti i Serbisë.
Vuçiç tha se disa persona tashmë janë arrestuar, ndërsa do të arrestohen të gjithë ata që ushtruan dhunë.
Drejtpërdrejt nga rrjetet sociale bëheshin thirrje për linç dhe dhunë ndaj organeve shtetërore. Bëhet fjalë për frikacakë të zakonshëm që sulmojnë njerëz që vetëm po bëjnë punën e tyre. Dhe kurrë nuk do të fitojnë, tha Vuçiç, raporton mediumi serb oslobodjenje.
