Kryetari i Partisë Demokratike të Kosovës (PDK), Memli Krasniqi, ka bërë të ditur se subjekti i tij politik do të garojë në zgjedhjet lokale të 12 tetorit me numrin rendor 191.
Në një reagim pas shortit të hedhur nga Komisioni Qendror i Zgjedhjeve, Krasniqi tha se PDK hyn në këtë garë me të njëjtin vizion që përdori edhe në zgjedhjet e përgjithshme – “Ma Mirë”.
“Me numrin 191, PDK është e gatshme të sjellë në komunat e Kosovës një model qeverisjeje me punë, përgjegjësi dhe vizion. Me kandidatët më të përgatitur për kryetarë komunash, këshilltarë dhe me një program zhvillimor, ne jemi të bindur për fitore”, u shpreh ai.
