Nesër (30 gusht), nga ora 10:00, në lagjen “Dardania” të Prishtinës, te vendi ku ra në krye të detyrës zyrtari policor Triumf Riza, do të mbahet ceremonia e homazheve pranë pllakës përkujtimore kushtuar atij.
Gjatë ceremonisë do të vendoset edhe gurthemeli i memorialit që do të ndërtohet si shenjë nderimi për veprën e Rizës dhe sakrificën e të gjithë zyrtarëve policorë që dhanë jetën në krye të detyrës.
Në këtë aktivitet pritet të marrin pjesë kryeministri në detyrë Albin Kurti, ministri i Punëve të Brendshme në detyrë Xhelal Sveçla, drejtori i përgjithshëm i Policisë së Kosovës, kolonel Gazmend Hoxha, si dhe eprorë të lartë të PK-së.
