Fetahu përmes një lidhjeje direkte në Tëvë1, tregoi disa dokumente përmes të cilave argumentoi shkeljet e ministrit Damka, dhe ministres Gërvalla.
“Ky është vendimi i ministrit, Fikrim Damka, për të cilin kemi informata që është ekzekutuar. Bëhet fjalë për 347 mijë euro të dërguara për programin e bashkëfinancuar me një OJQ dhe jo një organizatë ndërkombëtare. Pra, kjo është shkelja flagrante e parë e ligjit për marrëveshje ndërkombëtare dhe e ligjit për menaxhim, financa dhe përgjegjësi”, tha ai në emisionin “Infonata”.
Sa i përket ministres Gërvalla, ai bëri të ditur se ajo ka lëshuar një letër pëlqim e cila me rregull lëshohet vetëm për marrëveshjet e karakterit teknik. Pra, nëse janë të lidhura me shtete ose agjensione.
“E kemi shkeljen e dytë të cilën e ka bërë ministrja e punëve të jashtme, Donika Gervalla. Ajo ka lëshuar një letër pëlqim e cila sipas rregullit lëshohet vetëm për marrëveshjet e karakterit teknik e që lidhet me shtete ose agjensione dhe gjithmonë nëse ato nuk kanë implikime financiare. Rasti konkret, pala nënshkruese nuk është organizatë ndërkombëtare, marrëveshja e nënshkruar ka një implikim mbi 1 milion euro”.
Rreth kësaj ka reaguar vet Ministrja e Punëve të Jashtme dhe të Diasporës, Donika Gërvalla.
Gërvalla përmes një postimi në Facebook, ka mohuar akuzat e PDK-së, duke aluduar se nuk ka keqpërdorur as edhe një cent./Teve1.info
