Një fëmijë 5-vjeçar është sulmuar nga një ujk të mërkurën në oborrin e shtëpisë së tij në fshatin Brod të Shtërpcës.
Fëmija pas sulmit është dërguar në qendrën emergjente në Ferizaj, e më pas në Prishtinë për trajtim të specializuar mjekësor, kështu ka bërë të ditur për tëvë1.info, zëdhënësi i policisë për rajonin e Ferizajt, Kanun Veseli.
“Me datën 27 gusht 2025, 21:45 policia në Shtërpcë është informuar për një sulm që ka ndodhur në lagjen ” Coklarë” të fshatit Brod, ku një ujk ka sulmuar një fëmijë. Fëmija pas sulmit është dërguar fillimisht në qendrën emergjente në Ferizaj, e më pas në Prishtinë, për trajtim më të specializuar mjekësor. Sipas familjarëve, sulmi kishte ndodhur rreth orës 19:00 kur fëmija, 5 vjeç ishte në oborrin e shtëpisë”, ka deklaruar Veseli./teve1.info/
