Deputeti i Lëvizjes Vetëvendosje, Hekuran Murati, u ka bërë thirrje deputetëve ta votojnë Nenad Rashiqin nënkryetar të Kuvendit të Kosovës nga pakica serbe.
Murati tha se deputetët kanë dy mundësi: “Të zgjedhin njërin nga 9 deputetët e Listës Serbe, që nënkupton dikush i dirigjuar nga terroristi Millan Radoiçiq në kryesi të Kuvendit, apo të zgjedhin një deputet si z. Nenad Rashiq që nuk është nga Lista Serbe”.
Ai e përsëriti qëndrimin e Vetëvendosjes së nuk do të votojë për asnjë nga nëntë kandidatët e Listës Serbe, “e cila punon kundër Republikës së Kosovës”.
“Prandaj i vetmi opsion që mbetet për t’u zgjedhur nënkryetar i Kuvendit është z. Rashiq”, shkroi ai në Facebook.
Rashiq nuk i mori votat e nevojshme për t’u zgjedhur në seancën e kaluar.
