Trajneri i Torinos, Marco Baroni ka publikuar listën e futbollistëve për ndeshjen kundër Interit.
Në këtë listë, nuk është ftuar Kristjan Asllani që gjatë ditës së hënë u prezantua te Torino kurse mungon edhe Ardian Ismajli për shkak të lëndimit.
Asllani iu bashkua Torinos nga Interi dhe nuk do të jetë në gjendje ti ndihmojë ekipit të ri në ndeshjen e parë të sezonit 2025/26 në Serie A.
Si Ismajli ashtu edhe Asllani, u transferuan te Torino në këtë afat kalimtar.
Përderisa Ismajli iu bashkua si futbollist i lirë, Asllani u huazua për një vit kurse Torino ka opsionin e blerjes së tij verën tjetër për 12 milionë euro.
Ndeshja Inter – Torino, luhet sonte prej orës 20:45.
