Rexhepi bëri të ditur që së bashku me zëvendëskryeministrin e Kosovës, Besnik Bislimin, janë duke punuar bashkë për ta ndërkombëtarizuar çështjen e Luginës.
Ndërkaq, ai gjithashtu bëri të ditur se për bashkëveprimin e këtyre parave, do të jenë në koordinim me Qeverinë e Kosovës dhe asaj të Shqipërisë.
“Çështja e Luginës së Preshevës duhet të ngritet në instanca më të larta, kjo është dukuri në bashkëveprim me zëvendës kryeministrin e Kosovës, Besnik Bislimin, jemi duke arritur që ta ndërkombëtarizojmë çështjen e Luginës. Gjithashtu, këshilli përbëhet nga 4 fusha: arsimi, kultura, informimi dhe çështja e simboleve kombëtare. Këto janë pikat të cilat Këshilli do të bashkëveprojë me këto para. Ne do të jemi në koordinim me Qeverinë e Kosovës, po ashtu edhe Qeverinë e Shqipërisë”, tha ai në emisionin “Ditari” në Tëvë1.
Ndërsa, sot në mbledhjen e qeverisë, në mesin e shumë vendimeve që mori ekzekutivi kosovar, ishte edhe ndarja e 50 mijë eurove për Këshillin Kombëtar të Shqiptarëve në Luginën e Preshevës.
