Një person është arrestuar në fshatin Kobaj të Prizrenit, pasi ka sulmuar fizikisht zyrtarë policorë gjatë asistimit të një institucioni.
Sipas njoftimit të Policisë së Kosovës, rasti ka ndodhur mëngjesin e së enjtes, rreth orës 09:35. “Është arrestuar i dyshuari kosovar, pasi që ka sulmuar fizikisht zyrtarët policorë të cilët ishin në asistencë të një institucioni. Njësitet policore janë duke u marrë me rastin”, thuhet në raportin e policisë.
Policia ka konfirmuar se i dyshuari është intervistuar dhe, me vendim të prokurorit, është dërguar në mbajtje. “Me vendim të prokurorit, i dyshuari pas intervistimit është dërguar në mbajtje”, thuhet tutje.
