Përshëndetjet i kanë të ngrohta.
Kjo meqë zyrtarët e Kuvendit të Kosovës dhe deputetët ka rreth tri javë, që nuk u panë mes vete.
E këta të fundit, u kthyen sërish të mërkurën në sallën plenare të Kuvendit të Kosovës.
Krejt kjo në përpjekjen e parë për konstituimin e organit ligjvënës, pas publikimit të aktgjykimit të Gjykatës Kushtetuese.
Seanca që u caktua të fillojë në ora 11:00, nisi me 15 minuta vonesë.
E me të marrë fjalën kryesuesi i Kuvendit, Avni Dehari pati vetëm pak fjalë për aktgjykimin e Gjykatës Kushtetuese.
Fillimisht, ky konstatoi se në sallë janë 116 deputetë.
E më pas, ftoi partinë fituese, ta propozonte një emër për pozitën e kryeparlamentarit në votimt të hapur.
Glauk Konjufca propozoi Albulena Haxhiun Emri nuk ndërroi, por as numri i votave që i mori.
Ajo mori 57 pro, 56 kundër dhe 3 abstenime.
Kur u mendua se seanca do të mbyllej këtu, Dehari ftoi sërish partinë më të madhe parlamentare pwr propozim.
Për herë të parë në seancën 55, LVV vendosi të dilte me një emër tjetër. Propozimi i ri ishte Donika Gërvalla.
Propozimi i ri, solli reagime në sallë.
Por, as Gërvalla nuk arriti t’i merrte votat e duhura për pozitën e kryekuvendares.
57 pro, 56 kundër dhe 3 abstenime, ishin votat pwr tw.
Madje Gërvallën, nuk e votoi as deputetja e partisë partnere, Shqipe Selimi.
Pas seancës, kjo tha se nuk e votoi për shkak të qëndrimeve të Gërvallës kundër bashkëshortit të saj, Rexhep Selimit.
“Në përgjigje të interesimit të madh të mediave dhe opinionit publik lidhur me arsyen se pse nuk mora pjesë në votim gjatë seancës së sotme, dëshiroj të sqaroj se mospjesëmarrja ime nuk lidhet me motive partiake. Ajo ka të bëjë me një postim të datës 7 shkurt dhe 25 mars 2020, të cilin po e bashkëngjis në këtë shkrim”, ishte sqarimi i Selimit.
Por, votë pro Haxhiut e Gërvallës, këtë herë pati deputeti egjiptian, Veton Berisha.
Ndërsa kundër votoi deputetja boshnjake, Duda Balje.
Kurse me abstenime vazhdoi Nisma Socialdemokrate.
Me kaq, edhe seancës numër 55 i erdhi fundi.
Ndërsa seanca e ardhshme u caktua të premten nga ora 11:00.
