Ylli i Kombëtares së Kosovës, Edon Zhegrova pritet që karrierën ta vazhdojë në Serie A të Italisë, kanë raportuar mediumet italiane të martën.
Bëhet e ditur se Juventusi ka marrëveshje personale me Zhegrovën, i cili i ka thënë “jo” kalimit te Marseille për t’u transferuar në Torino.
Tani, Zhegrova po e pret vetëm Juventusin që po negocion me Lillen dhe pritet së shpejti ta shesë argjentinasin Nico Gonzalez.
Lille për kartonin e Zhegrovës po kërkon të paktën 15 milionë euro, shifër e përballueshme kjo për skuadrën e Juventusit.
Faktor i rëndësishëm që Zhegrova ka pranuar ti bashkohet Juventusit është edhe sulmuesi Jonathan David, i cili ishte bashkëlojtarin me futbollistin kosovar te Lille.
Kanadezi David u transferua këtë verë te Juventusi si lojtar i lirë dhe po e pret ribashkimin me Zhegrovën gjatë ditëve të ardhshme në Torino.
Zhegrova 26-vjeçar ka kontratë me Lillen deri në verën e vitit të ardhshëm dhe te Juventusi po shihet si përforcim i duhur për sulmin.
