Sulmuesi i krahut, Jasir Asani nuk do ta pret janarin për t’iu bashkuar skuadrës nga Irani, Esteghlal pasi një lëvizje të tillë do ta bëjë gjatë kësaj jave.
Mësohet se Asani do të largohet nga Koreja e Jugut për të nisur aventurën e re në Iran, ku pritej të transferohej në fillim të vitit të ardhshëm si lojtar i lirë.
Javë më parë, Asani u prezantua nga klubi iranian me të cilin kishte arritur marrëveshje për t’iu bashkuar pasi ti skadonte kontrata me Gwangjun në fund të këtij viti.
Megjithatë, Esteghlali nuk dëshiron që të presë edhe pesë muaj për ta transferuar Asanin pasi ka vendosur të paguajë 1 milionë dollar për ta mbyllur këtë lëvizje.
Gwangju do ta lë të lirë Asanin, i cili do të jetë lojtari më i shtrenjtë në këtë merkato në Korenë e Jugut.
Asani gjatë kësaj jave do të udhëtojë në Iran për ta firmosur kontratën dhe për t’u zyrtarizuar te Esteghlali në prag të fillimit të sezonit të ri.
30-vjeçari prej janarit të vitit 2025 bën karrierë të Gwangju, ekip për të cilin në sezonin aktual ka shënaur 8 gola dhe ka bërë 2 asistime në 22 ndeshje kampionale.
