Skuadra nga Serie A, Torino do të jetë pa Ardian Ismajlin të paktën deri në mesin e muajit shtator, kanë raportuar mediumet italiane.
Ismajli ditë më parë ka dëmtuar muskulin e kofshës së djathtë dhe pritej të kthehej në fushë deri në fund të këtij muaji.
Megjithatë, ai do të pauzojë të paktën një muaj dhe te Torino do të bëjë debutimin zyrtar vetëm pas ndeshjeve kualifikuese për Botërorin e vitit të ardhshëm.
Ismajli nuk do të luajë kundër Modenas, ndeshje që luhet sot në kuadër të Kupës së Italisë, ndërsa do ti mungojë Torinos edhe në dy xhirot e para të sezonit 2025/26 në Serie A, ndaj Interit dhe Fiorentinës.
Ismajli këtë verë iu bashkua Torinos si lojtar i lirë kurse në Itali ka bërë karrierë edhe tek Empoli e Spezia.
