Sulmuesi i Kombëtares së Kosovës, Vedat Muriqi do ti mungojë skuadrës së Mallorcas në ndeshjen kundër Celta Vigos që luhet këtë vikend.
Muriqi do të mungojë në këtë përballje shkaku i suspendimit me një ndeshje pasi u ndëshkua me karton të kuq në duelin ndaj Barcelonës.
Mallorca u mposht 3:0 në shtëpi nga Barcelona, ndërsa Muriqi u përjashtua me karton të kuq në fund të pjesës së parë shkaku i ndërhyrjes së ashpër në portierin kundërshtar.
Për Muriqin, kjo është hera e katërt që përjashtohet prejse iu bashkua skuadrës së Mallorcas, ku është shndërruar në njërin prej lojtarëve kryesor të ekipit.
Mallorca edhe ndeshjen ndaj Celta Vigos e luan në shtëpi, duel ky që zhvillohet të shtunën prej orës 17:00 dhe i takon xhiros së dytë të La Ligës së Spanjës.
