Me ndeshjen Gjilani – Ballkani, do të mbyllet xhiroja e parë e sezonit të ri në Superligën e Kosovës në futboll.
Kjo është ndeshja e fundit apo e pesta e xhiros së parë, e cila do të luhet sot në qytetin e Gjilanit me fillim në orën 16:30.
Pritet një ndeshje e fortë, pasi të dyja skuadrat synojnë ta startojnë sezonin 2025/26 me fitore, duke pasur parasysh përforcimet që i kanë bërë gjatë verës.
Për dallim prej Gjilanit që ende nuk ka luajtur ndeshje zyrtare në këtë sezon, Ballkani tashmë ka luajtur në kualifikimet e garave evropiane, ku është eliminuar në raundin e tretë kualifikues të Ligës së Konferencës.
Ndërkohë, të dielën u luajtën katër ndeshje të xhiros së parë, ku vetëm dueli ndërmjet Drenicës dhe Llapit, përfundoi pa gola.
Prishtina e Re, triumfoi 4:0 në udhëtim te Malisheva, Prishtina e mposhti 3:2 Dukagjinin në Klinë, ndërsa Ferizaj fitoi 1:0 në shtëpi ndaj Dritës.
