Partia Socialdemokrate e Kosovës e ka publikuar listën e kandidatëve për Kuvendin e Komunës së Prishtinës.
Në këtë listë prej 30 kandidatësh për asamblistë, prin kandidatja për kryetare të kryeqytetit, Besa Shahini.
“Entuziaste me ekipin tim për Prishtinën. Njerëz që e njohin dhe e ndjejnë këtë qytet, aktivistë të kahmotshëm që mbrojnë të drejtën për të jetuar këtu, aktivistë të rinj që duan të përmirësojnë lagjet e tyre, profesionistë nga fushat më të rëndësishme për jetën e përditshme në qytet. Të gjithë do të punojnë që Prishtina të mbetet qyteti ynë i përbashkët, një vend më i drejtë dhe më i jetueshëm për të gjithë, ku secili përket dhe mund të ndërtojë jetën e vet”, ka shkruar ajo në Facebook.
