Kandidati i Lidhjes Demokratike të Kosovës (LDK) për kryetar të Prishtinës, Përparim Rama ka publikuar listën me 56 kandidatë për asamble komunale.
Me moton “Prishtina Përtej”, listës së LDK-së i prin kandidati për kryetar të kryeqytetit, Përparim Rama.
“Ky është ekipi me vizion, dije e energji për ta çuar Prishtinën “Përtej” të zakonshmes!”, ka shkruar ai në Facebook.
Ndryshe, të mërkurën listat me kandidatët për asamblistë në Prishtinë i kanë prezantuar edhe Partia Demokratike e Kosovës (PDK), si dhe Lëvizja Vetëvendosje (LVV)./teve1.info/
