Të ftuarit morën fjalën. E të tjerët po dëgjojnë me vëmendje.
Ndërsa në sallën e IKSHPK-së janë vendosur pankarta kundër përdorimit të duhanit.
Kështu gjatë të hënës u shënua dita ndërkombëtare kundër duhanit.
“Ne të gjithë e dimë se duhani shkakton kancerin. Çdo i dyti person në botë ka gjasa të vdes nga sëmundjet kardiovaskulare ose kanceri, nëse pinë rregullisht duhan. Kështu që totalisht është 7 milionë njerëz në vit”, tha Aleksandër Martini nga Organizata Botërore e Shëndetësisë.
Ndërsa Naser Ramadani nga IKSHPK sheh një energji pozitive sa i përket luftës kundër duhan-pirjes.
“Të punojmë në zvogëlimin e duhan-pirjes të punojmë në zvogëlimin në shëndet nga duhani dhe të punojmë në parandalimin e sëmundjes në të gjitha vendet në Kosovë”, tha Ramadani.
Edhe ekonomistët po vlerësojnë se prioritet duhet t’i jepet shëndetit.
“Së pari duhet të ruhet shëndeti, pastaj ekonomia, po në këtë drejtim flas dhe vlerësoj për fat të keq që deri më tani institucionet tona nuk kanë mundur t’ia arrijnë qëllimit”, tha ekonomisti, Mustafa Kadrijaj.
Sipas Doganës së Kosovës, deri në muajin maj janë importuar 1400 tonë duhan me vlerë 34 milionë euro.
Ndërkaq vendet nga ku importohet ky produkt janë Gjermania, Kroacia, Turqia, Polonia, Zvicra e Greqia.
Raporti i gazetares Albiona Hajdari.