Autore: Adea Mustafaj
Gratë sipërmarrëse nga qytete të ndryshme të Kosovës sollën punën dhe pasionin në zemër të kryeqytetit.
Stendat me produktet vendore të tyre u vendosën rreth përmendores së Nënës Terezë.
Ky panair i organizuar nga Oda Ekonomike e Kosovës, synon t’u japë zë dhe hapësirë këtyre grave sipërmarrëse.
Kjo nismë është mirëpritur edhe nga vetë gratë pjesëmarrëse.
Ato po e shohin si një mundësi të mirë për të promovuar produktet dhe brendet e tyre.
Një ndër to është Minushe Daku, e cila tash e tre vite po merret me punime të shijakut.
“Është një shancë edhe një event i mirë për gratë që merren me punë dorë, që nuk kanë mundësi me hap biznese më të mëdhaja ose me qenë më të frekuentushme. Kjo është një pikë që kjo dhe krejt të tjerat që organizohen me i ndihmu grave”, u shpreh ajo.
E Mihane Avdullahu, nga Lipjani e cila tash e 12 vite merret me prodhimin dhe shitjen e ushqimeve të ndryshme tradicionale, tushi, reçel dhe melmesa vlerson se panairi do të tërheq më shumë klientët.
“Besoj që po. Se kur të është gra më shumë edhe i terhek. Me qenë pak nuk i tërhek. Besoj që sot se kqyr qysh jena grumbullu”, tha ajo.
Për Shoqatën “Pojata”, ky panair është një iniciativë e mirë, por duhet të bëhen më shpesh.
“I mbledhim produktet në shoqatë dhe kur ka pnaire i qesim, i ndihmojna. I qesim me i shit dhe qetë ndihm ja bojna grave…. E falenderojom Odën që e kanë bo këtë panair. Kem nevojë me bo pak ma shpesh panaire, se gratë kanë nevoj, këtë punë dore që e bojnë dhe me i shit produktet e tyre”, thotw Sabrije Nimani kryetare e shoqatës.
E nga Oda Ekonomike u tha se ky panair është një mundësi e mirë për gratë sipërmarrëse për të gjetur partner dhe për të shtrir bizneset e tyre në treg më të gjërë.
“Ky panair është më shumë se sa ekspozim i mallit është një panai ku mund të të gjenden mundësit, mund të gjindet edhe frymëzimi. Çdo shtant këtu sot që përfaqëson një gru tregon atë sakrificën që e kan pas, sfiden që e kanë pas prej ditës që e kanë fillu biznesin deri në momentin kur kanë triunfu. Kjo është një story suksesi. Për veçqëështë një story suksesi ne e kemi pa që pa fuqizimin e gruas nuk do të kemi edhe ekonomi të fort”, tha Lulzim Rafuna kryetar i OEK-ut.
Ky panair ka mbedhur më shumë se 50 biznese dhe do të jetëi hapur dy ditë duke funksionuar me dy ndrime.
