Sulmuesi Muhamet Hyseni pritet që këtë verë të largohet nga Horsensi, por në formë huazimi kanë njoftuar mediumet daneze të martën.
Raportohet se Horsensi po punon për të gjetur një klub të ri për Hysenin, të cilin ka qëllim për të huazuar.
Sulmuesi 24-vjeçar në janar të vitit të shkuar u transferua te Horsensi nga Llapi për 750 mijë euro por nuk ka përmbushur pritshmëritë e klubit danez.
Hyseni që ka edhe një gol të shënuar me Kombëtaren e Kosovës, ka kontratë me Horsensin deri në vitin 2029.
Ai për klubin danez ka shënuar 2 gola dhe ka asistuar një herë në 14 ndeshje, ndërsa ka luajtur edhe gjashtë ndeshje për ekipin rezervë të Horsensit.
Në Kosovë, Hyseni krahas Llapit ka bërë karrierë edhe te Malisheva dhe Feronikeli ’74.
