Autori: JONA KELMENDI
Pas katër javësh pritjeje, greva e punëtorëve të sigurimit në QKUK tashmë zyrtarisht ka përfunduar.
Kontrata me kompaninë fituese u nënshkrua këtë të martë, duke i hapur rrugë rikthimit të 280 punëtorëve në vendet e tyre të punës.
Në vendin ku për ditë me radhë qëndruan me kërkesa, sot u dha një përgjigje.
Kryetari i Sindikatës së Punëtorëve të Sigurimit në QKUK, Hifzi Sylejmani, tha se më në fund u arrit një dakordim
“Ato kushtet tona që 4 javë qysh edhe kena dialogu kena grevu edhe kena ardh te ni përfundim e ni një kontrate ky është drejtori i kompanis Ferid Berisha që ka nënshkru kontrat me QKUK e na do të nënshkrujmë kontrat me të. Po është nënshkru kontrata dhe secili punëtorë do të kqyr ndrrimin e sotem dhe do të operojë në vendin e punës ndrrimi i natës”, ka thënë Sylejmani.
Kompania e cila e fitoi kontratën sht “SIG” Sh.P.K, e cila e ka marrë përsipër sigurinë në QKUK për gjashtë muajt e ardhshëm.
“Sapo nënshkruam një kontrat gjashtë mujore për sigurimin në qendren klinike universitare këtu në Prishtinë kontrata për nëve është premtim dhe premtimin do ta realizojmë deri në fund. Sa i përket të drejtave të punëtorëve krejt të gjitha janë të cekura në kontratë si vlerat si rrogat si koha e caktume dhe ne më përpikmëri do të mundohemi ne maximum me i realizu këto kontrata”, ka thënë Berisha.
Për punëtorët, përfundimi i grevës vjen si një lehtësim pas shumë javësh pasigurie.
“Na qysh prej fillimit me grevë më në fund i erdh radha të përfundoi dmth sipas kompanive se kush e ka marrë edhe drejtoria e këta e kanë dhonë tonë e po besoj që këtu e knej ka me shku mirë”, është shprehur punëtori.
“Me rendësi që përfundoi greva jemi shumë të kënaqur se që 3-4 javë a ma shumë kemi hek tu ardh këtu për cdo ditë dikush ka pasë mundësi e dikush jo po me rendsi e falënderojmë prej ministrit Vitia, Elvirin e kryetarin e sindikates sonë”, ka thënë njëri nga punëtorët.
