Pas dy humbjeve rresht në garat evropiane, ku u eliminua nga Shkëndija e Tetovës në raundin e dytë kualifikues të Ligës së Kampionëve, Steaua e Bukureshtit do të përballet me Dritën e Gjilanit në kuadër të rrethit të tretë kualifikues të Ligës së Evropës.
Steaua të martën ka publikuar listën e UEFA-s, para duelit me Dritën, të cilën e ka modifikuar.
Në listë është rikthyer mesfushori francez, Malcom Edjouma, i cili nuk ishte fare në listat e këtij sezoni si në garat e UEFA-s ashtu edhe kampionatin e Rumanisë.
Steaua në ndeshjen ndaj Dritës nuk mund të llogaritë në Siyabonga Ngezana e Florin Tanase, të dy të suspenduar.
Dueli i parë mes Steauas dhe Dritës, luhet të enjten mbrëma në Bukuresht kurse ai i kthimit pas një jave në Prishtinë.
