Fundori amerikan, Isaiah Cousins është përforcimi më i ri te KB Bashkimi.
Ekipi nga Prizreni, të martën ka prezantuar amerikanin që do të jetë pjesë e ekipit për sezonin 2025/26.
Cousins ka përvojë ndërkombëtare dhe te Bashkimi po llogaritet si përforcim i rëndësishëm, duke pasur parasysh faktin se sezonin e fundit është shpallur MVP i ENBL Leagues.
Cousins 193 centimetra i gjatë ka luajtur G-League të NBA-s, ndërsa në Evropë ka bërë karrierë në Francë, Izrael, Greqi, Estoni, Slloveni dhe Bosnjë e Hercegovinë.
Sezonin e fundit, Cousins ishte pjesë e ekipit nga Sllovakia, Inter Bratislava ku luajti me një mesatare prej 18 pikëve, 5 kërcimeve e 4 asistimeve në kampionat kurse në ENBL League regjistroi 22 pikë, 4 kërcime e 5 asistime për ndeshje.
Cousins bëhet përforcimi i katërt i huaj te Bashkimi për sezonin e ri, pasi para tij klubi ka zyrtaziuar edhe amerikanët Kyan Anderson, Jeremiah Bailey e De’Quon Lake.
