Pas debutimit me fanellën e Sunderlandit, Granit Xhaka i është drejtuar me një mesazh të fuqishëm tifozëve të klubit anglez.
Xhaka, të shtunën debutoi te Sunderlandi, ekip që pësoi humbje në ndeshjen miqësore kundër Real Betisit.
Mesfushori shqiptar ishte kapiten i Sunderlandit dhe me anë të një postimi në “Instagram” i është drejtuar tifozëve të klubit nga Premier League.
Përkundër humbjes 1:0, mesazhi i Xhakës ishte motivues në prag të sezonit 2025/26.
“Falënderues për debutimin tim! Ky është vetëm fillimi – do të punojmë shumë, do të jemi të fokusuar dhe do të arrijmë synimet së bashku. Të shkojmë përpara”, ka shkruar Xhaka.
32-vjeçari ditë më parë u transferua te Sunderland inga Bayer Leverkuseni për 20 milionë euro dhe me ekipin anglez ka firmosur kontratë deri në verën e vitit 2028.
