Sulmuesi Heung Min Son ka vendosur përfundimisht të largohet nga Tottenhami pas një dekade të kaluar në këtë klub.
Sulmuesi koreano-jugor do të luajë sot ndeshjen e tij të fundit me Tottenhamin, ndaj Newcastle United në Korenë e Jugut, në kuadër të turneut komercial të klubit.
Mësoet se Son pas Tottenhamit karrierën do ta vazhdoj në MLS të SHBA-së, ku tashmë ka arritur marrëveshje me Los Angeles FC.
Klubi amerikan është në negociata të avancuara me Tottenhamin për transferimin e sulmuesit në vlerë prej rreth 20 milionë euro dhe marrëveshja mes klubeve pritet të finalizohet javën e ardhshme.
Kushtet personale mes Son dhe LAFC janë thuajse të dakorduara, ku ai pritet të bëhet një nga lojtarët më të paguar në MLS, ndërsa kalimi i tij shihet si një fitore e madhe për klubin amerikan.
Sulmuesi ka pasur gjithashtu oferta të majme nga klubet e Arabisë Saudite, por ka preferuar Los Angelesin për shkak të projektit sportiv të klubit dhe komunitetit të madh korean në qytet.
