Deputeti i Kuvendit të Kosovës, Adem Hoxha, bashkë me bashkëshorten dhe vajzën e tij të mitur, janë sulmuar fizikisht.
Zëdhënësi i Policisë për rajonin e Prizrenit, Shaqir Bytyqi, konfirmoi për tëvë1.info se rreth orës 18:30 Policia është njoftuar nga QKMF në Dragash për një person të lënduar që kishte kërkuar ndihmë mjekësore pas një përleshjeje.
“Viktima, pas marrjes së ndihmës së parë, është dërguar në Spitalin Rajonal të Prizrenit, ku sipas raportit të mjekut ka pësuar lëndime të lehta trupore. Rastit i janë përgjigjur menjëherë patrullat e Stacionit Policor në Dragash, si dhe njësitet hetimore në bashkëpunim të ngushtë me hetuesit rajonalë, për shkak të ndjeshmërisë së rastit. Sipas informacioneve të para, viktimat janë: qytetari A.H,mashkull, bashkëshortja e tij dhe vajza e tyre e mitur. Motivi i incidentit mbetet ende i paqartë”, ka thënë ai.
Në koordinim me prokurorin kujdestar Bytyqi ka thënë se është iniciuar rasti për veprën penale “Lëndim i lehtë trupor”.
Sipas Bytyqit, i dyshuari ka thënë se është ndaluar me vendim të prokurorit për 48 orë./teve1.info/
