Sindikata e Pavarur e Punëtorëve të KOSTT-it ka nisur sot një protestë, përmes së cilës po kërkon realizimin e të drejtave të tyre dhe përmirësim të kushteve të punës. Protesta është organizuar para objektit të KOSTT-it, ku pjesëmarrësit kanë shprehur pakënaqësitë e tyre ndaj menaxhmentit dhe institucioneve përgjegjëse.
Përfaqësues të sindikatës kanë bërë të ditur se kërkesat e tyre janë adresuar disa herë, por deri më tani nuk kanë marrë përgjigje konkrete, gjë që i ka detyruar të kalojnë në veprime sindikale. Ata kërkojnë dialog të sinqertë dhe zgjidhje të menjëhershme të kërkesave që lidhen me të drejtat e punëtorëve, pagat dhe trajtimin e drejtë në vendin e punës.
