Agjencia e Ushqimit dhe Veterinarisë ka marrë vendim për ndalimin të importit të përkohshëm të kafshëve të gjalla – produkteve të derrit nga Serbia.
Kjo për shkak të shpërthimit të sëmundjeve “Gjuha e kaltër dhe Murtaja Afrikane e Derrit”.
“Pas njoftimeve të publikuara në sistemin ADIS dhe ËAHIS për konfirmim të shpërthimit të sëmundjes Gjuha e Kaltër – BT dhe Murtaja Afrikane e derrit – ASF në shtetin e Serbisë, me qellim parandalimi të përhapjes se sëmundjeve në vendin tonë, Agjencia e Ushqimit dhe Veterinarisë ka vendosur masë ndalese të përkohshme për importin e kafshëve të gjalla të llojit gjedhe, dele, dhi dhe derra (produkteve të derrit) nga i gjithë territori i Republikës së Serbisë”, thuhet në njoftimin e AUV-së.
Sipas njoftimit të AUV-së, kjo sëmundje është virale e cila transmetohet përmes pickimit të insekteve të llojit Colicoides.
“Gjuha e Kaltër është sëmundje virale e cila transmetohet përmes pickimit të insekteve të llojit Colicoides (mushkonjave). Nga kjo sëmundje preken ruminantet shtëpiak (gjedhet, delet dhe dhitë). Prej këtyre me e ndjeshme është delja pastaj dhitë dhe gjedhi. Shenjat klinike dhe ngordhjet shfaqen vetëm tek delja. Gjedhi shërben si rezervar i sëmundjes”, thuhet ndër të tjera./teve1.info/
