Ministrja në detyrë e Punëve të Jashtme, Donika Gërvalla ka takuar homologun e saj të Irlandës, Thomas Byrne.
Në këtë takim, Gërvalla ka theksuar nevojën për qëndrime të qartë dhe të bashkërenduara brenda BE-së për zgjerimin.
Ajo ka prezantuar përkushtimin e institucioneve të Kosovës në përafrimin e plotë me politikat e jashtme të sigurisë të BE-së si dhe rolin aktiv të Kosovës në përkrahje të rendit ndërkombëtar.
“Në një mjedis gjeopolitik të brishtë dhe sfidues, partneritete të tilla janë thelbësore jo vetëm për forcimin e pozitës ndërkombëtare të Kosovës, por edhe për mbrojtjen e parimeve mbi të cilat ndërtohet vetë Bashkimi Evropian. Republika e Kosovës mbetet e gatshme të thellojë këtë bashkëpunim në të gjitha nivelet, në funksion të paqes, stabilitetit dhe orientimit të përbashkët evropian”, ka shkruar Gërvalla në Facebook./teve1.info/
