Ndërsa, seancë e re pritet të mbahet edhe të enjten e javës së ardhshme, ku sipas shefit të grupit paralmnetar, Abelard Tahiri, pritet të diskutohet edhe tërheqja e mjetëve nga Trusti.
Tahiri deklaroi se çmimet janë rritur deri në 35 për qind, dhe sipas tij pas kësaj rritje të çmimeve duhet të lejohet tërheqja e mjeteve nga Trusti.
“Tërheqja e mjeteve të Trustit është kërkesë e qytetarëve, dhe opozita do ta përkrahë një gjë të tillë që qytetarët të tërheqin një përqindje të caktuar nga Trusti”, tha ai.
Tutje ai tha se shpreson që Lëvizja Vetëvendosje dhe partnerët e saj të reflektojnë krahas kësaj kërkese të qyetarëve, shkruan teve1.info
“Kjo pikë është jashtëzakonisht e rëndësishme. Shpresojmë që edhe Lëvizja Vetëvendosje dhe partnerët e saj të reflektojnë karshi kësaj kërkese të qytetarëve. Kjo duhet të shihet si një angazhim i përbashkët që qytetarët ta kalojnë sa më lehtë krizrën”, u shpreh Tahiri.
I pyetur rreth mendimit të Fondit Monetar Ndërkombëtar, i cili e ka cilësuar si të gabuar mundësimin e një tërheqje të re nga Trusti Pensional, Tahiri tha se FMN-ja e kishte cilësuar të gabuar edhe vendimin për ngritjen e pagave në kohën e Qeverisë Thaçi.
“Zyrtarët e FMN-së e kanë cilësuar si të gabuar edhe rritjen e pagave në atë kohë nga Qeveria Thaçi. FMN-së nuk i bëhet vonë nëse degradon mirëqenia e qytetarëve në Kosovë. Ne kemi qenë gjithmonë në programet e Fondit Monetar Ndërkombëtar, as nuk jam që të rebelohemi ndaj tyre, thjesht po kërkojmë që të shikohet gjendja e qytetarëve në Kosovë. Nuk e di nëse kanë përcjell numrat e qytetarëve që kanë aplikuar për të shkuar jashtë vendit. Nëse do ta dëgjonim FMN-në, nuk do t’i rrisnim kurrë pagat në të kaluarën. As autostradat nuk do t’i kishim pasur, pasi që për ata para se të kenë rëndësi këto gjëra ka rëndësi stabiliteti financiar i një vendi, që sigurisht është çështje e rëndësishme edhe për ne”, ka thënë Tahiri.
