Drejtoria Rajonale e Policisё nё Pejё, ka njoftuar se po vazhdon implementimin e planit operativ “Motoçikletat 2025”.
Gjatё realizimit tё kёtij plani janё sekuestruar disa motoçikleta dhe janё proceduar gjashtёdhjetё e dy (62) kundёrvajtje, pёr: mosposedimi i lejes pёr vozitje, mosposedimi i kategorisё pёrkatёse, ngasje e mjetit pa regjistrim dhe kundёrvajtje tjera, transmeton KosovaPress.
“Aktivitete dhe detyra të shumta policore, që janë të planifikuara në kuadër të Drejtorisё Rajonale tё Policisё në Pejë, do të vazhdojnë në mënyrë intensive në ditët në vijim, pa asnjë tolerim ndaj secilit kundërvajtës. Krejt kjo në të mirë të rregullimit të komunikacionit, si dhe parandalimit të aksidenteve”, thuhet në njoftim.
Drejtoria Rajonale e Policisë në Pejë ka apeluar pjesëmarrësit në komunikacion, tё respektojnë rregullat e komunikacionit.
