Deputeti i Aleancës për Ardhmërinë e Kosovës Daut Haradinaj, ka deklaruar se gjithë Kosova është e lodhur nga situata e bllokadës në Kuvend. Ai ka fajësuar kryetarin e Lëvizjes Vetëvendosje, Albin Kurti, për pengimin e procesit.
Para fillimit të seancës parlamentare, Haradinaj tha se AAK-ja ka dhënë ofertë dhe është e gatshme të votojë në rast se bëhet ndryshimi i emrit të kandidates për kryeparlamentare. Por, nëse kjo nuk ndodhë, sipas tij, bllokada do të vazhdojë edhe për një kohë.
“Mendoj që krejt Kosova është lodhur me këtë situatë. Ne po i përsërisim fjalët e njëjta, kemi dhënë një ofertë, jemi të gatshëm me votu në rast se do të kemi një ndryshim të emrit të kandidates. Nëse jo, të mbesim kështu fatkeqësisht edhe për një kohë. Unë besoj që me vetëdije z. Kurti është këtu dhe e mban këtë situatë peng,” tha Haradinaj.
