Policia e Kosovës ka bërë të ditur se një grua ka rënë pre e një grabitje të armatosur, dje gjatë ditës derisa po ecte në rrugët e kryeqytetit.
Gruaja është ndalur nga një veturë nga e cila kanë dalë persona të panjohur, të cilët, nën kërcënimin e armës, i kanë grabitur një shumë të hollash, telefonin dhe një kartelë bankare.
Pas grabitjes, të dyshuarit janë larguar me shpejtësi në drejtim të panjohur.
Policia ka njoftuar se është informuar prokurori kujdestar, i cili ka autorizuar fillimin e hetimeve për identifikimin dhe kapjen e autorëve të kësaj vepre penale.
“Ankuesja femër kosovare, ka raportuar se deri sa ishte në rrugë është ndalur një veturë dhe nën kërcënimin e armës ka arritur t’ia marrin një shumë të hollave, telefonin dhe një kartelë bankare e më pas kanë ikur në drejtim të panjohur. Lidhur me rastin është njoftuar prokurori kujdestar, i cili ka urdhëruar fillimin e hetimeve”, thuhet në raportin ditor të PK-së./teve1.info/
