Shtetet e Bashkuara të Amerikës festojnë sot 249-vjetorin e Pavarësisë nga Mbretëria e Bashkuar, një ditë e shënuar që simbolizon lirinë, guximin dhe demokracinë.
Me këtë rast, Ambasada Amerikane në Prishtinë ka shpërndarë një mesazh urimi përmes rrjetit social X (ish-Twitter), ku thekson frymën e partneritetit dhe bashkëpunimit me popullin e Kosovës.
“Sot, Shtetet e Bashkuara festojnë frymën e patundur të lirisë, guximin e themeluesve tanë dhe forcën e demokracisë sonë”, thuhet në fillim të postimit.
Ambasada nënvizon se angazhimi i SHBA-ve për një të ardhme të përbashkët mbetet i pandryshueshëm:
“Ndërsa Shtetet e Bashkuara festojnë Ditën e 249-të të Pavarësisë, ne riafirmojmë angazhimin tonë për një të ardhme më të sigurt, më të fortë dhe më të begatë — së bashku me miqtë tanë kosovarë”.
4 Korriku njihet si një nga festat më të rëndësishme shtetërore në SHBA, duke përkujtuar shpalljen e pavarësisë më 1776 dhe vlerat mbi të cilat është ndërtuar kombi amerikan.
Today, the United States celebrates the enduring spirit of freedom, the courage of our founders, and the strength of our democracy. As the United States celebrates its 249th Independence Day, we reaffirm our commitment to a safer, stronger, and more prosperous future — together… pic.twitter.com/5vE66lFRVm
— U.S. Embassy Pristina (@USEmbPristina) July 4, 2025
