Në një konferencë të përbashkët për media me ministrin e mbrojtjes së Belgjikës, Theo Francken, ministri Maqedonci njoftoi se bashkëpunimi bilateral ndërmjet Kosovës dhe Belgjikës po kalon në një fazë të re zhvillimi.
Belgjika zyrtarisht ka mirëpritur atasheun e mbrojtjes së Kosovës në Bruksel, duke forcuar kështu lidhjet diplomatike dhe ushtarake mes dy vendeve. Përveç kësaj, ky vit shënon edhe angazhimin e trupave ushtarake belgje në kuadër të misionit KFOR, duke kontribuar në sigurimin e paqes dhe stabilitetit në Kosovë.
Ministri Maqedonci shprehu mirënjohjen e thellë për mbështetjen e Belgjikës që nga viti 2008 dhe u shpreh optimist për thellimin e marrëdhënieve ndërmjet dy vendeve në rrugën e Kosovës drejt integrimit euroatlantik.
“Belgjika do të vazhdojë të jetë një aleat i besueshëm i Kosovës në Ballkanin Perëndimor,” përfundoi ministri Maqedonci, duke falënderuar partnerët belgë me fjalët: “Bedankt België!”
